بسطيلة الحوت المغربية
مقادير بسطيلة الحوت المغربيةنصف كيلو ورقة البسطيلة
200 غرام من الكلامار – 200 غ كروفيت – 200 غ من أي نوع من السمك الابيض تفضلين – علبة فطر – شعرية صينية
الابزار + الكمون + التحميرة +القزبر حبوب مطحون + ضروس ثوم + القزبر و المعدنوس مقطع رقيق + 2 معالق مطيشة الحك + 2 معالق كبار هريسة + الزيتون اخضر مقطع دواور + طريفات د الحامض مصير + عصير حامضة
باقي مقادير بسطيلة الحوت مع طريقة التحضير
درت في المقلاة الحوت الابيض مع شوية د الزيت و الزبدة الملح و الابزار و ديته و جبته غي بشوية باش ما يتفرتتش
نفس الشيء درتو للكروفي
و حتى الكلمار
في نفس المقلاة دائما درت الشومبينيون باش يت
نسم بطيبة الحوت درت معاه شوية الثوم و المعدنوس
الشعرية الصينية خويت عليها الماء طايب حتى طلقات راسها صفيتها و قطعتها
و عاد خلطت كلشي الحوت + الشومبينيون + الشعرية الصينية + و زدت عليهم
الابزار + الكمون + التحميرة +القزبر حبوب مطحون + 4 ضروس ثوم + القزبر و
المعدنوس مقطع رقيق + 2 معالق مطيشة الحك
+ 2 معالق كبار هريسة + الزيتون اخضر مقطع دواور + طريفات د الحامض مصير +
عصير حامضة
الملح ما زتهاش حيت الحوت مملح و الزيتون حتى هو
خديت الطاوة د البسطيلة دهنتها بالزبدة و فرشت الورقة
درت الحشوة و خليت شي طريفات د الحوت الابيض زدتهم الفوق شاطو ليا شي ورقات درتهم بريوات عمرتهم بالجبن + الملح + الابزار + المعدنوس + زعيترة و دخلتهم للفران ما قليتهمش في الزيت
منين خرجتها من الفران دردرت عليها الفروماج محكوك و ستفت حداها البريوات و خليتها في طاوتها حتى نبغي نحطها عاد نعاود نرجع نسخنها
في النهاية، هذا هو الشكل النهائي بعد عمل بسطيلة الحوت الرائعة
موضوع: بسطيلة الحوت المغربية 